ფონტი არ ჩანს ან ტექსტი არასწორად გამოიყურება

ფონტი პროგრამის სიაში არ ჩანს

1. დარწმუნდით, რომ ZIP მხოლოდ გახსნილი კი არა, ამოღებულია და ფონტის .ttf ან .otf ფაილი დაყენებულია.
2. სრულად დახურეთ და ხელახლა გახსენით პროგრამა.
3. მოძებნეთ ოჯახის სახელითაც. Bold და Italic შეიძლება ცალკე ფონტებად არ ჩანდეს და სტილების მენიუში იყოს.
4. შეამოწმეთ ფონტი სხვა პროგრამაში. თუ იქ მუშაობს, გადაამოწმეთ პირველი აპის ფონტების მხარდაჭერა.

კვადრატები, სხვა ასოები ან შერეული იერი

ფონტის გვერდზე გამოცადეთ იგივე ტექსტი და შეამოწმეთ ანბანი. თუ აკლია კონკრეტული ასო, ლათინური ნიშნები ან ₾, გამოიყენეთ მათი შემცველი ფონტი.

თუ ქართული ტექსტი ფონტის შეცვლისას ლათინურად იქცევა, წაიკითხეთ ქართული ტექსტი და უნიკოდი. თუ აკრეფისას ლათინური ასოები გამოდის, ჩართეთ ქართული კლავიატურა.

ბრაუზერი და ტელეფონის აპები

კომპიუტერში დაყენებული ფონტი ყველა ონლაინ რედაქტორში ავტომატურად არ ჩნდება. შეამოწმეთ სერვისის საკუთარი ფონტის ატვირთვის ფუნქცია და ხელმისაწვდომია თუ არა ის თქვენს ანგარიშში. ატვირთვამდე გადაამოწმეთ ლიცენზიაც.

ტელეფონზე ფონტის იმპორტს ყველა აპი არ უჭერს მხარს. ფონტის ჩამოტვირთვა თავისთავად აპის ან ტელეფონის ინტერფეისს არ ცვლის.

თუ პრობლემა დარჩა

მოგვწერეთ ფონტის გვერდის ბმული, ოპერაციული სისტემისა და პროგრამის სახელი/ვერსია, ზუსტი შეცდომა და მოკლე მაგალითი იმისა, რასაც წერთ. მიუთითეთ, პრობლემა საიტზე გადახედვისას ჩანს, ჩამოტვირთვისას თუ დაყენების შემდეგ.